Pep Guardiola nuk do të marrë drejtimin e kombëtares italiane, pavarësisht interesimit serioz të Federatës së Futbollit të Italisë.
Sipas Fabrizio Romanos, trajneri spanjoll e ka shqyrtuar gjatë javës së fundit mundësinë për t’u ulur në stolin e “Të Kaltërve”, por pas bisedimeve ka vendosur ta refuzojë ofertën.
Arsyeja kryesore lidhet me dëshirën e Guardiolës për të bërë një pushim nga futbolli. Ai kërkon t’i kushtojë më shumë kohë familjes, të rikuperojë energjitë pas shumë viteve intensive dhe vetëm më pas të mendojë për rikthimin në stol.
Në këtë mënyrë, Federata Italiane do të vazhdojë kërkimet për trajnerin e ri, ndërsa Guardiola nuk planifikon të nisë një projekt tjetër në këtë moment.
