Kylian Mbappe ka arritur të gjejë tregolëshin e tij të parë me Real Madridin. Dhe ishte pikërisht në natën që Merengues, falë ngadalësimit të Atletico Madrid, patën mundësinë të shpëtonin nga presioni i Colchoneros në renditje.
Fitorja 3-0 jashtë fushe ndaj Valladolidit ishte një shfaqje e forcës nga skuadra e Carlo Ancelottit, me trajnerin që komentoi rezultatin në konferencë për shtyp.
Për Mbappe: “Mbappe po i jep shumë skuadrës, ka disa muaj që ka hyrë në ritëm dhe padyshim që për ne është një vlerë e shtuar, është një lojtar me shumë cilësi”.
Kampionati i vendosur tashmë? “Duhet të mbajmë pak ekuilibër, dolëm mirë në La Liga, morëm epërsinë, por është shumë e gjatë për të menduar se ka mbaruar. Kemi një epërsi të vogël dhe shpresojmë që të arrijmë ta shfrytëzojmë në ndeshjet e ardhshme”.
Momenti i ekipit: “Kemi gjetur ritmin, një dinamikë të mirë”.
Për rolin e mbrojtësit të djathtë, nëse është plotësuar në mungesë të të dëmtuarit Carvajal: “Asencio bëri pjesën e tij, ai nuk është mësuar të luajë atje, por tregoi se është i shpejtë, bëri një ndeshje të mirë ashtu si Tchouameni në qendërmbrojtës.
“Nuk është asgjë e re. Pak nga pak Alaba ka filluar të luajë më shumë minuta, ai është shumë afër rikthimit si titullar”.
