Një fushatë e re me malwaret, e quajtur BADBOX 2.0, ka infektuar më shumë se një milion pajisje të mençura, përfshirë televizorë, boks streaming, projektorë, tableta dhe pajisje të tjera IoT.
Ky malware është zbuluar nga FBI dhe është i pranishëm kryesisht në pajisje të prodhuara në Kinë, veçanërisht ato që përdorin platformën Android Open Source Project (AOSP), pa certifikimin Google Play Protect.
Si funksionon BADBOX 2.0?
Ky malware është pjesë e një botnet-i të sofistikuar që shfrytëzon pajisjet e infektuara për aktivitete kriminale, duke përfshirë:
Përdorimin e IP-ve të pajisjeve të infektuara për të fshehur aktivitetet e kriminelëve.
Manipulimin e reklamave për të gjeneruar të ardhura të paligjshme.
Kryerjen e sulmeve për vjedhjen e llogarive, duke përdorur të dhënat e përdoruesve të vjedhura.
Si mund të mbroheni?
Ekspertët rekomandojnë:
Përditësoni rregullisht softuerin e pajisjeve tuaja për të parandaluar instalimin e malwaret.
Shmangni shkarkimin e aplikacioneve nga burime të pasigurta, veçanërisht jashtë dyqanit Google Play.
Kontrolloni cilësimet e sigurisë dhe aktivizoni mbrojtjen e llogarive për të parandaluar qasjen e paautorizuar.
