Mijëra të rinj në Shqipëri po punojnë në call-center, jo për dëshirë, por për shkak të mungesës së mundësive të tjera të punës së përshtatshme për nivelin e tyre arsimor. Këta të rinj po bëjnë një kompromis të dhimbshëm: kalojnë orë të zgjatura para kompjuterëve me kufje në vesh, pa menduar për pasoja shëndetësore.
Një studim i fundit tregon se 60% e punonjësve në këtë sektor po përballen me probleme shëndetësore, përfshirë dëmtime të shtyllës kurrizore, dëgjimit dhe shikimit, e madje edhe me shqetësime të shëndetit mendor si pasojë e stresit të shkaktuar nga thirrjet e gjata. Ilir Xhemalaj, përfaqësues i Sindikatës Kombëtare të Operatorëve Telefonikë, raportoi se 95% e punonjësve kanë përjetuar probleme si spoliartroza ose shqetësime me sytë dhe veshët.
Ambienti i punës në shumicën e call-center-ave të Shqipërisë është i pa përshtatshëm, ku kompanitë në shumicën e rasteve marrin ambiente me qira dhe shtojnë numrin e kompjuterëve dhe punonjësve pa respektuar standardet minimale për shëndetin e punonjësve. Një operator me 16 vjet përvojë shprehet se kanë pajisje të vjetra dhe kushte të papërshtatshme për punë.
Kontratat zakonisht parashikojnë një orar prej 6 orësh, por në shumë raste të rinjtë janë të detyruar të punojnë dyfish orarin për të marrë një pagë të pranueshme për jetesë. Kjo situatë ka sjellë një keqardhje për ata, të cilët ndiejnë se po shfrytëzohen.
Pavarësisht ligjeve që kërkojnë kontrollin e shëndetit të punonjësve, zbatimi i tyre mbetet në letër, ndërsa në praktikë askush nuk kryen inspektime fizike në këto mundësi punësimi. Papunësia dhe presioni ekonomik i detyrojnë ata të kalojnë nëpër këto kushte të vështira, duke e bërë call-center-in një mundësi të paalternativë për shumë të rinj shqiptarë.
