Zvicra ka siguruar kalimin në fazën tjetër të Kupës së Botës si kryesuese e Grupit B, pas fitores 2-1 ndaj Kanadasë. Protagonisti i madh i ndeshjes ishte Manzambi, i cili vendosi takimin me një gol dhe një asist brenda pak minutash.
Skuadra zvicerane tregoi më shumë qetësi në momentet vendimtare, edhe pse Kanadaja krijoi raste dhe tentoi të rikthehej në lojë. Pas avantazhit të Vargas dhe golit të Manzambit, kanadezët shkurtuan diferencën me Promise David, por nuk arritën të shmangnin humbjen.
Me këtë fitore, Zvicra e mbyll grupin në vendin e parë dhe pret kundërshtarin e fazës tjetër, ndërsa Manzambi po kthehet në një nga zbulimet më interesante të këtij Botërori.
Në ndeshjen tjetër të grupit, Bosnja mposhti Katarin 3-1 dhe mbajti gjallë shpresat për kualifikim si një nga vendet e treta më të mira. Alajbegovic hapi rrugën e fitores me një gol të bukur, ndërsa autogoli i Al Brake dhe rrjeta e Mahmic vulosën suksesin e boshnjakëve.
Katari, i drejtuar nga Lopetegui, largohet nga Botërori me kokën lart, pas një turneu ku arriti të marrë edhe një pikë historike ndaj Zvicrës. Bosnja, nga ana tjetër, tashmë duhet të presë rezultatet e grupeve të tjera për të mësuar nëse do të vazhdojë më tej.
