Federico Valverde ka folur për herë të parë për gjendjen e tij pas incidentit me Tchouaméni, një ngjarje që ka lënë gjurmë në atmosferën brenda skuadrës së Real Madrid.
Kapiteni 27-vjeçar i madrilenëve pranoi se ka kaluar momente të vështira pas përplasjes në dhomat e zhveshjes, ku mbeti edhe me një dëmtim në kokë.
Në një intervistë për CarveDeportiva, Valverde theksoi se mbështetja e tifozëve dhe e klubit e ka ndihmuar shumë gjatë kësaj periudhe.
“Ndihem mirë. Kam marrë mbështetje dhe dashuri nga shumë njerëz, nga tifozët dhe nga klubi. Ndonjëherë duhet t’i kalosh këto pengesa të vogla. E gjithë kjo do të më bëjë një kapiten më të mirë në vitet e ardhshme”, u shpreh Valverde.
Mesfushori uruguaian ka qenë një nga lojtarët më të rëndësishëm të Real Madrid këtë sezon. Ai ka zhvilluar 49 ndeshje, duke shënuar 9 gola dhe duke dhënë 13 asistime.
