Policia ka zbardhur autorësinë e vendosjes së një sasie lënde plasëse të lidhur me një aparat telefonik celular në lagjen nr. 3 të Durrësit.
Për ngjarjen janë arrestuar dy persona të dyshuar si autorë, përkatësisht S. Ç., 47 vjeç, dhe M. T., 46 vjeç, të dy banues në Durrës.
Ngjarja është regjistruar më 28 gusht 2026, në lagjen nr. 3, ku u konstatua një aparat telefonik celular i lidhur me një sasi lënde plasëse.
Gjatë veprimeve hetimore dhe procedurale, në cilësinë e provës materiale janë sekuestruar edhe tre aparate telefonikë celularë, të cilët pritet t’i nënshtrohen ekzaminimeve të mëtejshme për të dokumentuar rrethanat dhe përfshirjen e personave të dyshuar.
Ato akuzohen për veprat penale “shkatërrimi i pronës me eksploziv”, e mbetur në tentativë, si dhe “Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim.
