Policia ka arrestuar një 22-vjeçar të dyshuar për disa vepra penale në Tiranë.
Sipas njoftimit zyrtar, shtetasi K. V., banues në zonën e Astirit, ka thyer masën e sigurisë “arrest në shtëpi” dhe dyshohet se ka kryer vjedhje në dy banesa gjatë ditëve të fundit.
Gjatë operacionit, shërbimet e Komisariatit të Policisë Nr. 6 dhe forcat “Shqiponja” i kanë bërë shenjë ndalimi motomjetit që ai drejtonte, por i riu nuk iu bind urdhrit dhe u largua me shpejtësi.
Pas një ndjekjeje policore, ai u kap dhe u ndalua.
Nga verifikimet rezultoi se ndaj tij ishte caktuar më herët masa e sigurisë “arrest në shtëpi” për veprën penale të vjedhjes.
Hetimet paraprake tregojnë se ai dyshohet të ketë vjedhur shuma parash në dy banesa më datat 22 dhe 23 prill 2026.
