Një ngjarje e dhunshme është regjistruar në qytetin e Pylosit, në Greqi, ku një 25-vjeçar shqiptar është arrestuar nga autoritetet për sulm fizik ndaj pronarit të një berberhaneje.
Sipas njoftimeve zyrtare, incidenti ka ndodhur më 7 shkurt 2023. I riu kishte shkuar fillimisht në berberhane si klient dhe kishte marrë shërbimin e prerjes së flokëve nga pronari, një 51-vjeçar.
Pas përfundimit të shërbimit, për arsye ende të paqarta, 25-vjeçari është rikthyer në ambientet e berberhanes.
Ai dyshohet se ka filluar ta ofendojë verbalisht pronarin dhe më pas e ka sulmuar fizikisht duke e goditur me një shkop gome.
Si pasojë e sulmit, 51-vjeçari ka pësuar lëndime trupore dhe ka marrë ndihmën e nevojshme mjekësore.
Autoritetet greke kanë arrestuar autorin e dyshuar dhe kanë nisur hetimet për zbardhjen e plotë të rrethanave dhe motiveve të këtij agresioni.
