Tiranë – Një aksident i rëndë është shënuar mbrëmjen e së martës në zonën e Pezës, ku një 16-vjeçar ka humbur jetën dhe një tjetër, 15 vjeç, ka mbetur i plagosur.
Sipas informacioneve paraprake, dy të miturit po udhëtonin me një automjet, kur 16-vjeçari, i cili ishte në drejtim të mjetit, ka humbur kontrollin dhe automjeti ka përfunduar në kanal.
Përplasja ka qenë fatale për 16-vjeçarin, ndërsa shoku i tij 15-vjeçar ka marrë dëmtime dhe ndodhet jashtë rrezikut për jetën.
Mësohet se automjeti ishte marrë fshehurazi nga 16-vjeçari, pa dijeninë e të atit.
Policia dhe grupi hetimor kanë nisur punën për zbardhjen e plotë të rrethanave dhe shkaqeve të aksidentit.
