Spanja ka mposhtur Kroacinë 4-1 në “Sánchez-Pizjuán”, duke marrë kreun e grupit dhe duke hedhur një hap të rëndësishëm drejt çerekfinaleve të Nations League.
Protagonisti absolut ishte Lamine Yamal, i cili realizoi dy gola dhe dha një asist. Talenti i Barcelonës hapi rezultatin pas vetëm 70 sekondash, pas një aksioni të gjatë me 25 pasime.
Kroacia reagoi me Beljon, por Pubill riktheu avantazhin e Spanjës përpara pushimit. Në pjesën e dytë, Yamal shënoi sërish pas një kombinimi me Pedrin, ndërsa Nico Williams vulosi rezultatin 4-1.
Spanja dominoi edhe në lojë, duke regjistruar 16 goditje dhe mbi 620 pasime, me një saktësi prej 91.6%.
