“Heathrow” në Londër është ndër disa aeroporte europiane që u goditën nga një sulm kibernetik, i cili preku sistemin elektronik të check-in dhe bagazheve. Aeroporti paralajmëroi për mundësi vonesash për shkak të një “problemi teknik” që ndikoi në softuerin e siguruar nga Collins Aerospace për disa linja ajrore.
Aeroporti i Brukselit njoftoi se një sulm kibernetik të premten vonë në mbrëmje bëri që pasagjerët të regjistroheshin dhe ngarkoheshin në mënyrë manuale, ndërsa Aeroporti Brandenburg i Berlinit raportoi gjithashtu kohë pritjeje më të gjata për shkak të këtij problemi.
RTX, kompania në pronësi të së cilës është Collins Aerospace, tha se ishte “e vetëdijshme për një ndërprerje të lidhur me kibernetikën” në sistemin e saj në “aeroporte të përzgjedhura” dhe po punonte për të zgjidhur çështjen sa më shpejt të ishte e mundur.
Kompania shtoi: “Ndikimi është i kufizuar vetëm në regjistrimin elektronik të klientëve dhe dorëzimin e bagazheve, dhe mund të zgjidhet me operacione regjistrimi manual.”
Ata thanë se sulmi goditi softuerin Muse, i cili lejon linjat e ndryshme ajrore të përdorin të njëjtat sportele regjistrimi dhe porta hipjeje në një aeroport, në vend që secila të ketë të vetat.
