Futbolli anglez është në zi pas ndarjes nga jeta të Peter Storey, ish-futbollistit të Arsenalit dhe kombëtares së Anglisë, në moshën 81-vjeçare.
Storey ishte një nga figurat e rëndësishme të historisë së klubit londinez, duke qenë pjesë e skuadrës që realizoi suksesin historik të vitit 1971, kur Arsenali fitoi si kampionatin anglez, ashtu edhe FA Cup.
I njohur për karakterin e fortë, vendosmërinë dhe stilin luftarak të lojës, ai u bë një nga lojtarët më të respektuar të Arsenalit gjatë viteve 1960 dhe 1970.
Gjatë karrierës së tij me fanellën e Arsenalit, Storey regjistroi 501 paraqitje në kampionat dhe fitoi gjithashtu trofeun Inter-Cities Fairs Cup në vitin 1970. Ai përfaqësoi edhe kombëtaren e Anglisë, me të cilën zhvilloi 19 ndeshje.
Klubi londinez ka shprehur ngushëllimet për ndarjen e tij nga jeta, duke kujtuar kontributin e Storey në një nga periudhat më të suksesshme të historisë së Arsenalit.
Peter Storey do të kujtohet si një nga figurat që ndihmuan në ndërtimin e historisë së klubit londinez.











