Sekretari i Përgjithshëm i Partisë Socialiste, Blendi Klosi, i ftuar në emisionin “Opinion” në Tv Klan, komentoi zhvillimin ekonomik të Shqipërisë gjatë viteve të qeverisjes së kryeministrit Edi Rama.
Gjatë diskutimit në studio, Klosi deklaroi se nuk pranon argumentin se Shqipëria është sot në një situatë më të keqe se 14 vite më parë, kur Edi Rama erdhi në pushtet.
Ai u ndal te projekti i Zvërnecit, ndërsa theksoi se do ishte “tradhti kombëtare” nëse ky investim nuk do vinte në Shqipëri.
“Nuk mund të pranoj se Shqipëria sot është më keq se para 14 vitesh kur Edi Rama erdhi në pushtet. Treguesit ekonomikë janë më të mirë.
Prandaj ka ardhur Rama në pushtet për të përmirësuar Shqipërinë dhe për të sjellë investime. Tradhti kombëtare është të mos bëhet Zvërneci, dhe jo të bëhet Zvërneci”, tha ai.
