Jorge Messi, babai i Lionel Messit, është ndarë nga jeta në moshën 68-vjeçare në Rosario të Argjentinës.
Ai ishte i shtruar prej disa javësh në Sanatorio Parque, ku po mbahej nën kujdes mjekësor për shkak të problemeve shëndetësore. Klinika konfirmoi ndarjen e tij nga jeta, pa dhënë detaje të tjera mbi gjendjen shëndetësore, për të respektuar privatësinë e familjes.
Jorge Messi pati një rol vendimtar në karrierën e djalit të tij. Ai e shoqëroi Leon drejt Barcelonës që në fëmijëri dhe ishte një nga njerëzit kryesorë që e mbështetën gjatë gjithë rrugëtimit të tij në futboll.
Mesazhet e ngushëllimit kanë ardhur nga e gjithë bota e futbollit. Federata Argjentinase, Newell’s Old Boys, Real Madridi, Federata Spanjolle dhe CONMEBOL kanë shprehur solidaritetin e tyre me Messin dhe familjen e tij.
Lionel Messi ndërkohë është nisur drejt Rosarios për t’iu bashkuar familjes në këtë moment të vështirë.
