Kartoni i Mario Mitajt është transferuar në klubin Al Itihad në Arabinë Saudite, pas një marrëveshjeje për 4 milionë euro. Lajmin e ka bërë të ditur vetë Lokomotiva e Moskës, e cila ishte pronar i të drejtave të mbrojtësit të Kombëtares shqiptare.
Mitaj, i cili kishte qenë në huazim për pjesën e parë të sezonit, ka lënë një përshtypje të fortë, duke bindur drejtuesit e klubit që synojnë titullin kampion.
Lokomotiva e Moskës e ka bërë publike këtë zhvillim përmes një njoftimi të posaçëm, ku shprehen mirënjohës për kontributin e Mitajt gjatë periudhës që ai ka qenë pjesë e skuadrës dhe e uron atij suksese në të ardhmen.
Ja si ka shpërthyer njoftimi i Lokomotivës së Moskës:
“Mbrojtësi i Lokomotivës së Moskës, Mario Mitaj, është transferuar në Al Itihad me një marrëveshje blerjeje prej 4 milionë eurosh. Lokomotiva e falënderon Marion për paraqitjet e tij dhe e uron atë për sukseset që do të arrijë në të ardhmen.”
