Kanadaja, një nga vendet organizatore të Kupës së Botës 2026, e nisi turneun me barazim 1-1 ndaj Bosnjës në “BMO Field” të Torontos.
Bosnja kaloi e para në avantazh në minutën e 20-të me Jovo Lukic, i cili shënoi pas një goditjeje nga këndi. Kanadaja dominoi më shumë në lojë dhe kërkoi me ngulm golin e barazimit, por hasi vështirësi për të thyer mbrojtjen boshnjake.
Goli i shpëtimit për vendasit erdhi në minutën e 77-të, kur Cyle Larin, vetëm pak çaste pasi hyri në fushë, realizoi për 1-1 dhe shmangu humbjen e Kanadasë në ndeshjen e parë.
Me këtë rezultat, Kanadaja dhe Bosnja marrin nga një pikë në Grupin B, ku bëjnë pjesë edhe Zvicra dhe Katari.
