Janë luajtur këtë mbasdite 4 ndeshjet e shtyra të javës së 33-të për shkak ndarjes nga jeta të Papa Françesku-t. Të katra ndeshjet nisën me një mnutë heshtje në kutjim të Papa Françesku-t.
Juventus është mundur nga Parma 1-0 duke vënë në rrezik kualifikimin për në Champions, objektivin e vetëm të mbetur në lojë për këtë sezon. Në “Ennio Tardini”, pjesa e parë mes Parmës dhe Juventusit është mbyllur 1-0 për vendasit, të cilët gjetën golin me Meto Pellgerino në fund të pjesës së parë, i cili dërgoi me kokë topin në rrjetë pas një krosimi perfekt nga Emanuele Valeri. SHIKOGOLIN
Pjesa e dytë nuk solli ndryshim të rezultatit. Parma fiton 1-0 dhe merr një fitore shumë të rëndësishme për mbijetesën, në anën tjetër Juventus tani renditet në vend të pestë me 59 pikë, 1 pikë më pak se Bologna e vendit të katërt.
Në “Luigi Ferraris”, Lazio fitoi në transfertë 0-2 ndaj Genoa-s. Goli i parë për bardhekaltrit u shënua nga Taty Castellanos në minutën e 32-të, i cili shënoi me gjysmë rroveshatë. Vendasit luajtën pjesën më të madhe të ndeshjes me 10 lojtarë pas daljes me karton të kuq të Sebastian Otoa në minutën e 22-të. SHIKOGOLAT
Goli i dytë për kryeqytetasit u shënua në minutën 64-të nga Boulaye Dia, pas një asisti fantastik të marrë nga Nicolo Rovella. Në minutën e 72-të, Lazio mbeti po ashtu me 10 lojtarë, pasi Reda Belahyane u ndëshkua me karton të kuq për ndërhyrje të rëndë ndaj kundërshtarit, dy minuta pasi ishte future në fushë. Me fitoren e marrë sot, Lazio renditet në vend të gjashtë me 59 pikë, po aq sa Juventus i vendit të pestë.
Në dy sfidat e tjera, Fiorentina fitoi në transfertë 1-2 ndaj Cagliari-t, ndërsa Torino fitoi 2-0 në fushën e saj ndaj Udineses.
