Lionel Messi ka vendosur të hedhë një hap të ri në botën e futbollit, këtë herë jo si lojtar, por si pronar klubi.
Sipas raportimeve, ylli argjentinas është bërë pronari i vetëm i klubit spanjoll Cornellà, që garon në kategorinë e tretë të futbollit spanjoll.
Messi ka blerë 100 për qind të aksioneve të klubit katalanas, në një lëvizje që shihet edhe si simbolike, duke pasur parasysh afërsinë e Cornellà me Barcelonën, qytetin ku ai kaloi vitet më të lavdishme të karrierës së tij.
Kjo lëvizje vjen menjëherë pas raportimeve për blerjen e Almeria nga Cristiano Ronaldo, duke bërë që rivaliteti legjendar mes dy ikonave të futbollit të zhvendoset tashmë nga fusha e lojës te drejtimi dhe pronësia e klubeve.
Në këtë mënyrë, përplasja Messi-Ronaldo duket se po hyn në një kapitull të ri, këtë herë në nivelet e menaxhimit dhe vendimmarrjes në futboll.
