Pas eliminimit nga Bayern Munich në çerekfinalet e Champions League, daljes nga Kupa dhe me shanse minimale për titullin në La Liga, te Real Madridi janë shtuar zërat për një ndryshim të mundshëm në pankinë.
Sipas raportimit të Marca, lojtarët e klubit madrilen janë të kënaqur me punën e Alvaro Arbeloa dhe dëshirojnë që ai të vazhdojë si trajner edhe sezonin e ardhshëm.
Mbështetja e skuadrës për Arbeloa vjen në një moment delikat për klubin, teksa e ardhmja e pankinës vazhdon të jetë një nga temat më të diskutuara në Madrid.
Vetë Arbeloa, në konferencën për shtyp pas ndeshjes, u shpreh se nuk është i shqetësuar për të ardhmen e tij, ndërsa nuk e fshehu zhgënjimin për faktin që Real Madridi nuk arriti të vazhdojë rrugëtimin në Champions League.
