Është identifikuar burri që u vra mbrëmjen e kësaj të enjte në zonën e Babrrusë në Kamëz. Burime zyrtare bëjnë me dije se viktima është shtetasi Hajdar Ismailgeci, 40 vjeç..
Policia raportoi më herët se nga kqyrja paraprake, në trupin e viktimës është konstatura një plagë e shkaktuar me mjet prerë, ku dyshohet si ai është qëlluar me thikë. Hajdar Ismailgeci u gjet i pajetë në mes të rrugës pranë shkollës 9-vjeçare “Azem Hajdari”.
Ende nuk dihet se kush është autori, i cili dyshohet se ka përfituar nga errësia për t’u arratisur.
Policia tha se grupi hetimor ndodhet në vendin e ngjarjes dhe po punon për identifikimin dhe kapjen e autorit si dhe sqarimin e rrethanave dhe dokumentimin e plotë të rastit.
