Autoritetet në Hong Kong kanë urdhëruar heqjen e rrjetave të skelave nga ndërtesat që janë në rinovim, ndërsa hetimet për zjarrin më të vdekjeprurës në dekadat e fundit vazhdojnë.
Një zjarr shpërtheu të mërkurën e kaluar në kompleksin Wang Fuk Court, duke shkaktuar 159 viktima, ndërsa 31 persona të tjerë janë ende të zhdukur.
Hetuesit zbuluan se rrjeta mbrojtëse që përdorej përreth kompleksit, i cili ishte në rinovim të gjerë, nuk përmbushte standardet e qëndrueshmërisë ndaj flakëve.
Sekretarja për Zhvillim, Bernadette Linn Hon-ho, njoftoi se do të publikohen udhëzime të reja për testimin e materialeve që përdoren në skela javën e ardhshme.
Rreth 200 ndërtesa private dhe 10 publike janë aktuakisht në rinovim në Hong Kong, dhe sipas gazetës South China Morning Post, rreth 300 ndërtesa do të preken nga urdhri i heqjes.
Linn siguroi publikun se do të ndiqen deri në fund përgjegjësitë e çdo kontraktori që ka përdorur rrjeta mbrojtëse nën standarde.
Ajo tha se janë marrë mostra për teste nga këto rrjeta. Në Wang Fuk Court, flakët u përhapën shpejt përmes blloqeve të veçanta për shkak të rrjetave mbrojtëse dhe materiale të tjera flokale që ishin në jashtë të ndërtesave, sipas zyrtarëve.
Policia ka bërë të paktën 15 arrestime për vrasje nga pakujdesia ndërsa hetimi vazhdon. Komisioneri i policisë, Joe Chow, tha se kanë përfunduar kërkimet në brendësi të të gjitha shtatë blloqeve të kompleksit dhe tani do të shqyrtojnë pjesë të tjera për trupat e pajetë.
Një çift të moshuarish, që humbën shtëpinë e tyre në zjarr, u rikthyen në vendin e djegur bashkë me vajzën e tyre. Ata treguan për përvojën e tyre tronditëse dhe ndjenjën e pafuqishmërisë përpara flakëve që u përhapën kaq shpejt.
“Shpresojmë që e vërteta të dalë në sipërfaqe – nëse ka duar të fshehura pas kësaj, korrupsion apo ndonjë marrëveshje të pasaktë,” tha vajza e çiftit të moshuar.
