Biznesmeni italian bie me makinë në ujë, SHQIPTARI hidhet pa e menduar, thyen xhamin dhe i shpëton jetën
Një biznesmen rreth 70 vjeç humbi kontrollin e Toyota Yaris-it të tij më 20 nëntor 2025 dhe përfundoi në kanalin Battaglia, pranë Padovës. Dy kalimtarë u hodhën menjëherë në ujë për ta ndihmuar, mes tyre 32-vjeçari shqiptar Elton Zefi.
Zefi, atletik dhe gati dy metra i gjatë, thyen xhamin e makinës së fundosur dhe, me ndihmën e një personi tjetër, nxori biznesmenin nga makina. Pavarësisht temperaturës së ujit prej vetëm 5 gradësh, operacioni i shpëtimit u krye me sukses.
Biznesmeni doli i vetëdijshëm dhe i falënderoi shpëtimtarët teksa gjendja e tij shëndetësore raportohet e mirë.
