Barcelona po shqyrton alternativa të tjera për repartin e sulmit, teksa operacioni për Julián Álvarez është komplikuar për shkak të qëndrimit të fortë të Atlético Madrid.
Sipas raportimeve, një nga emrat që ka dalë në skenë është kapiteni i Interit, Lautaro Martínez. Sulmuesi argjentinas shihet si një nga opsionet kryesore të katalanasve nëse nuk arrihet marrëveshja për Álvarez.
Megjithatë, një transferim i Lautaros do të ishte shumë i kushtueshëm, pasi Interi e vlerëson atë deri në 120 milionë euro dhe nuk ka ndërmend të heqë dorë lehtë nga kapiteni i skuadrës.
Lautaro ka zhvilluar 376 ndeshje me Interin dhe ka shënuar 175 gola që prej transferimit të tij në Milano.
