Pau Cubarsí është fituesi i çmimit Golden Boy 2026. Mbrojtësi 19-vjeçar i Barcelonës u shpall futbollisti më i mirë nën 21 vjeç që aktivizohet në Europë, duke triumfuar me diferencë të madhe ndaj kandidatëve të tjerë.
Çmimi i organizuar nga “Tuttosport” iu dorëzua pas votimit të 30 gazetarëve nga vende të ndryshme të Europës.
Cubarsí kishte qenë shumë pranë edhe trofeut Kopa disa javë më parë, por këtë herë dominimi i tij në votim nuk la vend për dyshime.
Talenti i Barcelonës bëhet vetëm mbrojtësi i dytë në histori që fiton Golden Boy, pas Matthijs de Ligt në vitin 2018.
Me këtë sukses, Barcelona konfirmon dominimin në këtë çmim. Messi, Pedri, Gavi, Lamine Yamal dhe tashmë Cubarsí janë pesë produktet e La Masias që e kanë fituar atë.
19-vjeçari pason Désiré Doué, fituesin e vitit 2025, ndërsa në listën e emrave të mëdhenj që kanë marrë më parë këtë çmim janë edhe Mbappé, Haaland, Bellingham, Agüero dhe João Félix.
Cubarsí është gjithashtu futbollisti i gjashtë spanjoll që fiton Golden Boy, pas Cesc Fàbregas, Isco, Pedri, Gavi dhe Lamine Yamal.
