Një alarm për bombë u dha mesditën e sotme te Qendra Tregtare Univers (QTU).
Sipas informacioneve, një email ka mbërritur në adresën e shefit të sigurisë së qendrës, ku paralajmërohej për një mjet shpërthyes.
Pas marrjes së njoftimit, u bë evakuimi i punonjësve dhe qytetarëve që ndodheshin në ambientet e QTU-së.
Forcat e sigurisë dhe policia ndërmorën kontrolle të imtësishme në hapësirat e qendrës tregtare.
Sipas policisë, pas verifikimeve, nuk u konstatua ndonjë send i dyshimtë apo mjet shpërthyes.
Kujtojmë se edhe një ditë më parë, një tjetër qendër tregtare në kryeqytet u përfshi nga një alarm i ngjashëm për bombë, i cili pas kontrolleve rezultoi i pavërtetë.
