Mikel Arteta ka arritur marrëveshjen për të rinovuar kontratën me Arsenalin, duke i dhënë fund pasigurisë për të ardhmen e tij në stolin e kampionëve të Premier League.
Kontrata aktuale e trajnerit spanjoll skadon në fund të sezonit, por bisedimet mes palëve kishin vazhduar prej disa muajsh. Tashmë marrëveshja përfundimtare është arritur dhe Arteta do të vazhdojë aventurën e tij në Londër.
Ende nuk është bërë publike kohëzgjatja e saktë e kontratës së re, por ajo pritet ta mbajë Artetën te “Topçinjtë” të paktën deri në vitin e tij të dhjetë në klub, pas ardhjes në dhjetor të vitit 2019.
Rinovimi do të sjellë edhe një rritje të ndjeshme page. Aktualisht Arteta përfiton rreth 10 milionë paund në vit, plus 5 milionë të tjera në formë bonusesh.
Vetë trajneri kishte qetësuar tifozët pak ditë më parë: “Nuk duhet të shqetësohen. Dua të jem këtu. Jam shumë i lumtur dhe mirënjohës që punoj me njerëzit që kam pranë.”
