Ish-drejtori i Burgjeve, Agim Ismaili, është paraqitur sërish në SPAK, ku doli nga institucioni së bashku me avokatin e tij.
Hetimet ndaj Ismailit, si dhe ndaj Zambak Gjonit dhe Arnold Rrokajt, janë mbyllur për akuzën e përgjimit të paligjshëm në kuadër të një grupi kriminal.
Ismaili ka qenë nën hetim për tri vepra penale, duke përfshirë përgjimin e paligjshëm të të dhënave kompjuterike dhe veprimtarinë në kuadër të grupit kriminal.
Rasti i hakerimit të kompjuterëve është sinjalizuar më 12 mars të këtij viti, duke rezultuar në arrestimin e Gjonit dhe Rrokajt, dy ish-funksionarëve të burgjeve.
Rrokaj, i cili ka theyer kodet e sigurisë të sistemeve kompjuterike, ka transmetuar materialet që kishte marrë tek Gjoni, i cili më pas i ka dorëzuar ato Ismailit.
