Raportet midis Memphis Depay dhe klubit brazilian Corinthians kanë qenë të përcaktuara nga episode të ndryshme emocionale, duke përfshirë dashuri dhe urrejtje, por një gjë është e qartë: holandezi ka treguar angazhim të madh për klubin. Pas triumfit në Kupën e Brazilit, Depay shfrytëzoi rastin për të kritikuar menaxhimin e klubit në një intervistë për mediat amerikano-latine.
Depay, i cili shënoi golin e fitores në finale duke i dhënë Corinthians titullin e dytë sezonal, theksoi nevojën për një menaxhim më të mirë, duke i bërë thirrje bordit drejtues të mendojë për largimin e atyre që janë përgjegjës për situatat e aktuale. Ai shprehu dashurinë për tifozët dhe përkushtimin për ta, duke thënë: “Tifozët më duan dhe unë i dua, luftoj për ta. Ata meritojnë gjithçka.” Sipas Depay, klubi ka nevojë për një strukturë më të fortë, dhe ai shpreson që pasuri dhe ndihmë të vijnë për të përmirësuar gjendjen e Corinthians-it.
Futbollisti gjithashtu diskutoi për problemet financiare që po kalon klubi nga Sao Paulo dhe shprehu gatishmërinë e tij për të ndihmuar në zgjidhjen e këtyre sfidave. Ai shpreson të fitojë më shumë trofe në këtë skuadër për ta nxjerrë klubin nga kriza. Në lidhje me të ardhmen e tij, Depay e qartësoi se nuk ka ndërmend të largohet. “Flitet shumë, gënjejnë për mua, për pagën time,” u shpreh ai, duke theksuar se disa persona po përpiqen të krijojnë një atmosferë urrejtjeje ndaj tij mes tifozëve.
Problemet që po ndesh njohin një histori të gjatë, duke përfshirë denoncime policore dhe skandale financiare. Një nga skandalet më të mëdha lidhet me një marrëveshje me kompaninë Vai de Bet, e cila krijoi një situatë problematike të pastrimit të parave për disa ish-drejtonësi, përfshirë këtu dhe Auguston Melo. Kjo ka çuar në një kolaps institucional që ndikon keq në imazhin dhe funksionimin e klubit.
