Banjat me akull janë kthyer në një nga tendencat më të ndjekura të mirëqenies, veçanërisht nga sportistët dhe ata që kërkojnë rigjenerim të shpejtë fizik dhe mendor. Por çfarë ndodh realisht me trupin kur zhytet në ujë me temperaturë rreth 5°C?
Ekspertët shpjegojnë se në pak minuta, trupi fillon të pësojë disa ndryshime biologjike:
-Ngushtohen enët e gjakut për të ruajtur temperaturën e brendshme,
-Rritet qarkullimi i gjakut sapo dilni nga uji, duke përmirësuar oksigjenimin e muskujve,
-Ulja e ndjeshme e inflamacionit dhe dhimbjeve muskulare,
-Shtimi i prodhimit të endorfinave, që përmirësojnë humorin dhe reduktojnë stresin.
Megjithatë, kjo praktikë nuk është për këdo. Personat me probleme kardiovaskulare, tension të lartë ose të ulët, apo ata që kanë ndjeshmëri ndaj të ftohtit duhet të konsultohen më parë me një mjek.
Specialistët rekomandojnë që zhytja të mos zgjasë më shumë se 2-5 minuta për fillestarët dhe gjithmonë të bëhet nën mbikëqyrje. Përveç përfitimeve fizike, shumë njerëz e zgjedhin këtë terapi për qetësinë mendore që sjell sfidimi i të ftohtit ekstrem.
