Shumë prindër janë të shqetësuar për dëmet që mund të shkaktojë përdorimi i mediave sociale dhe koha e tepërt përpara ekranit, por shpesh është e vështirë të gjejnë mënyra të përshtatshme për të kufizuar këtë përdorim në dobi të mirëqenies së fëmijëve të tyre. Politikanët dhe ekspertët shëndetësorë po bëjnë thirrje për etiketat paralajmëruese dhe kufizime për moshat në platformat e mediave sociale, si dhe ndalimin e celularëve në shkolla, për shkak të shqetësimeve mbi ndikimin e kësaj kohe të tepruar përpara ekranit në shëndetin mendor të të rinjve.
Studiuesit raportojnë një rritje të përdorimit problematik të mediave sociale në mes të adoleshentëve evropianë, ndërsa një raport nga Organizata Botërore e Shëndetësisë (OBSH) thekson se bota digjitale është një faktor kryesor në ndjenjën e vetmisë te të rinjtë. Koha e tepruar përpara ekranit është lidhur me uljen e aktivitetit fizik, cilësisë së gjumit, si dhe rritjen e ankthit, depresionit dhe izolimit social.
Politikanët po shqyrtojnë mënyra për të thyer këtë cikël. Për shembull, presidentja e Komisionit Evropian, Ursula von der Leyen, ka shprehur interesin për të implementuar kufizime të mediave sociale për fëmijët në të gjithë Bashkimin Evropian. Disa vende janë duke kërkuar mënyra për të inkurajuar fëmijët të lënë telefonat e tyre. Suedia ka prezantuar një “kartë aktivitetesh” për të mbuluar kostot e aktiviteteve të organizuara për fëmijët nga 8 deri në 16 vjeç, me qëllim që ata të kenë më shumë kohë të çmuar jashtë ekranit.
Megjithatë, prindërit mbajnë një përgjegjësi të rëndësishme. Dr. Janna-Lina Kerth rekomandon që prindërit të praktikojnë atë që predikojnë, duke kushtruar për një përdorim të arsyeshëm të teknologjisë. Ajo sugjeron të diskutojnë hapur për rregullat dhe pasojat e përdorimit të mediave sociale me fëmijët, duke evituar ndalimet absolute, që mund të kenë efekte të padëshiruara.
Një tjetër këshillë është që të eksplorojnë së bashku aktivitete alternative për të zëvendësuar kohën përpara ekranit, si sportet dhe aktivitetet grupore, duke u bërë kështu pjesë e jetës sociale të fëmijëve. Kështu, ata do të ndihen më të angazhuar dhe të lidhur me miqtë e tyre.
