Vali Corleone ka reaguar publikisht pas burgosjes së partneres së tij, TikTokeres Anita Corleone, duke u shfaqur i prekur gjatë një bisede me video të publikuar nga Rasim Avdyli.
Në videon e shpërndarë në rrjetet sociale, Vali shfaqet dukshëm i mërzitur, ndërsa rrëfen se mungesa e Anitës ka ndikuar jo vetëm tek ai, por edhe te qeni i tyre. “Po, edhe qeni Safari Corleone po qan për Anitën. Ky mundet me dek prej mërzisë”, u shpreh ai. Vali tregoi gjithashtu se kishte pritur lirimin e partneres gjatë seancës së fundit gjyqësore, por kërkesa nuk u pranua. I zhgënjyer nga vendimi, ai nuk e fshehu revoltën për situatën.
Nga ana tjetër, Rasim Avdyli i shprehu mbështetje dhe i uroi Anitës që të lirohet sa më shpejt, ndërsa mbetet për t’u parë se si do të vijojnë procedurat ligjore ndaj saj.
