Gjykata e Posaçme ka vendosur masën e sigurisë “arrest në burg” për ish-zyrtarin e Policisë, Uljan Shpataraku, i arrestuar gjatë operacionit për kapjen e biznesmenit Ergys Agasi.
Pas zhvillimit të seancës gjyqësore, gjykata vendosi që Shpataraku të qëndrojë në qeli, ndërsa hetimet për rastin vijojnë.
Ish-zyrtari i policisë u arrestua më 26 gusht në zonën e Plepave në Durrës. Ai ndodhej në drejtimin e një automjeti ku udhëtonte edhe Ergys Agasi, i cili ishte shpallur në kërkim dhe qëndronte prej rreth tetë muajsh në arrati.
Pas arrestimit të tij, autoritetet kryen kontrolle edhe në banesën e Shpatarakut në Tiranë. Gjatë kontrollit u gjetën disa armë zjarri, mes tyre tre pistoleta, dy armë të tipit shotgun dhe dy pushkë.
Sipas raportimeve, armët rezultonin të ishin të pajisura me leje.
