Harry Kane është shpallur golashënuesi më i mirë i sezonit 2025-26, duke fituar Trofeun Gerd Müller në ceremoninë e Topit të Artë në Londër.
Sulmuesi anglez e mbylli sezonin me plot 73 gola në të gjitha kompeticionet, shifra më e lartë e karrierës së tij.
Kane realizoi 36 gola në Bundesliga, 14 në Champions League, 10 në Kupën e Gjermanisë, një në Superkupën e Gjermanisë dhe 12 me kombëtaren angleze.
Ky është Trofeu i dytë Gerd Müller për sulmuesin e Bayern Munich. Në vitin 2024 ai e ndau çmimin me Kylian Mbappé, pasi të dy kishin realizuar nga 52 gola.
Kane kishte siguruar më parë edhe “Këpucën e Artë”, çmim që merr në konsideratë golat e shënuar në kampionat.
Me 73 realizime, anglezi regjistroi sezonin e tij më të mirë në aspektin individual dhe u bë fituesi me numrin më të lartë të golave që prej krijimit të Trofeut Gerd Müller.
