Pas disfatës prej 3-0 në derbin e qytetit ndaj Manchester City, situata në Manchester United mbetet kritike. Trajneri Ruben Amorim vazhdon të gëzojë besimin e hierarkisë së klubit, edhe pse rezultatet e dobëta e kanë thelluar krizën e fillimit të sezonit, në një kampionat ku “Djajtë e Kuq” kanë grumbulluar vetëm 4 pikë nga 4 ndeshje. Kjo është nisja më e keqe për klubin që nga viti 1992.
Pas ndeshjes, Amorim u shpreh i vendosur në sistemin e tij 3-4-2-1, pavarësisht kritika dhe thirrjeve për ndryshime. Ai tha: “Nuk është një rekord që duhet ta kesh te Manchester United. Por unë besoj në mënyrën time dhe do të luaj kështu – derisa të vendos vetë të ndryshoj.” Kjo qendrim e tregon që trajneri është i gatshëm të përballet me presionin e tifozëve dhe të medias.
Burime brenda klubit sugjerojnë se bordi ka një qasje të qetë dhe nuk ka plane për të shkarkuar Amorimin. Sir Jim Ratcliffe, bashkë-pronar i klubit, ishte i pranishëm në Etihad dhe u fotografua duke mbuluar fytyrën me duar, një shenjë e qartë e frustrimit. Megjithatë, klubi nuk dëshiron të iniciojë një tjetër “rebuild” të shtrenjtë pas investimeve prej 220 milionë paund për Amorimin gjatë verës.
Që nga marrja e drejtimit në nëntor, Amorim ka arritur të grumbullojë vetëm 31 pikë në 31 ndeshje, për një mesatare jashtëzakonisht të dobët. Sezonin e kaluar, ekipi përfundoi i 15-ti dhe humbi finalen e Ligës së Europës, duke mbetur pa garë europiane për herë të dytë që nga largimi i Sir Alex Ferguson.
Situata për të ardhmen e Amorimit duket e pasigurt, veçanërisht me sfidën e ardhshme ndaj Chelsea, kampionëve të botës, që pritet të zhvillohet në Old Trafford. Kjo ndeshje mund të ketë pasoja të mëdha për të ardhmen e trajnerit, duke e bërë një pritje emocionuese për tifozët dhe mediat.
