Një tërmet i fortë tronditi Turqinë perëndimore mbrëmjen e së hënës (27 tetor), duke shkaktuar shembjen e disa ndërtesave.
Mediat lokale raportojnë se deri më tani nuk ka raportime për viktima.
Tërmeti me magnitudë 6.1 Rihter kishte epiqendër qytetin Sindirgi në provincën Balikesir, sipas agjencisë së Menaxhimit të Fatkeqësive dhe Emergjencave, AFAD.
Tërmeti u regjistrua në orën 22:48 sipas kohës lokale me një thellësi prej 5.99 kilometrash.
Tërmeti, i cili u pasua nga disa lëkundje pasuese, u ndje në Stamboll dhe në provincat fqinje të Bursës, Manisës dhe Izmirit, duke shkaktuar panik te qytetarët.
Të paktën tre ndërtesa të pabanuara dhe një dyqan dykatësh u shembën në Sindirgi, tha Ministri i Brendshëm Ali Yerlikaya.
