Napoli dhe Roma kanë dhuruar një nga ndeshjet më spektakolare të javës në Serie A, duke barazuar 3-3 në stadiumin “Diego Armando Maradona”.
Azzurrët kaluan të parët në avantazh falë një realizimi spektakolar të Anguissas, ndërsa në fillimin e pjesës së dytë Scott McTominay dyfishoi rezultatin me kokë.
Roma nuk u dorëzua dhe u rikthye në lojë me Soulé, përpara se Balerdi të realizonte golin e barazimit 2-2.
Emocionet vazhduan deri në minutat e fundit. McTominay riktheu Napolin në avantazh me një goditje nga distanca, duke kompletuar dopietën personale, por festa e vendasve zgjati pak.
Në minutën e 89-të, Balerdi realizoi edhe golin e tij të dytë dhe vulosi rezultatin përfundimtar 3-3.
Tensioni në fund ishte i madh, me Massimiliano Allegrin që u ndëshkua me karton të kuq për protesta.
Napoli largohet me keqardhjen e një fitoreje të humbur në fund, ndërsa Roma merr një pikë të rëndësishme në transfertë. Rezultati u jep gjithashtu mundësinë Interit dhe Lazios që të shkëputen më tej në krye të renditjes.
