Na presin përballje spektakolare në fazën me eliminim direkt të Champions League. Shorti u hodh sot në Nyon dhe përcaktoi jo vetëm çiftet e 1/8-ave, por edhe rrugën drejt çerekfinaleve dhe gjysmëfinaleve.
Detajet: Në selinë e UEFA-s në Nyon (Zvicër), u zhvillua shorti i 1/8-ave, dhe rezultatet premtojnë ndeshje të nivelit finalesh që në këtë fazë. Disa nga favoritët kryesorë do të detyrohen të eliminojnë njëri-tjetrin shumë herët.
Çiftet e 1/8-ave të Champions League
- PSG – Chelsea
- Galatasaray – Liverpool
- Real Madrid – Manchester City
- Atalanta – Bayern Munich
- Newcastle – Barcelona
- Atlético Madrid – Tottenham
- Bodø/Glimt – Sporting CP
- Bayer Leverkusen – Arsenal
Ky short ka përcaktuar edhe skemën e mëtejshme të turneut (çerekfinale dhe gjysmëfinale), pra ekipet tashmë e dinë rrugën e plotë deri në finalen e madhe.
Ndeshjet e 1/8-ave do të luhen më 10/11 mars dhe 17/18 mars, çerekfinalet më 7/8 prill dhe 14/15 prill, ndërsa gjysmëfinalet më 28/29 prill dhe 5/6 maj. Finalja është parashikuar për 30 maj 2026 në Puskás Aréna, Budapest.
