Të rinjtë protestues u kanë bërë thirrje qytetarëve t’u bashkohen në protestën e radhës, nesër në orën 09:00, para Parlamentit.
Pas qëndrimit për disa orë para Kryeministrisë, protestuesit u zhvendosën drejt sheshit “Skënderbej”, ku vijuan thirrjet kundër qeverisë, mes tyre edhe “Dorëheqje!”.
Gjatë marshimit, studentët u bënë thirrje qytetarëve të mblidhen nesër para Parlamentit, në kohën kur do të zhvillohet seanca plenare.
Kujtojmë se protesta studentore, e cila sot shënoi ditën e saj të 9-të, detyroi Kryetarin e Kuvendit, Niko Peleshi, të anulonte seancën e javës së kaluar për shkak të trazirave.
