Një qytetar nga Dukati i Vlorës ka bërë thirrje që organizatorët e protestës të identifikohen publikisht, me qëllim që lëvizja të mos përvetësohet nga individë që synojnë përfitime personale apo politike.
Gjatë fjalës së tij, ai propozoi krijimin e një Kuvendi Kombëtar, ku qytetarët dhe aktivistët të bashkohen për të diskutuar rrugën e ndryshimit dhe ndërtimin e një sistemi të ri politik.
Sipas tij, protesta nuk duhet të mbetet vetëm një reagim në rrugë, por të shndërrohet në një lëvizje të organizuar që synon transformimin e vendit.
Qytetari theksoi se e ardhmja e protestës lidhet me fatin e Shqipërisë dhe të brezave të ardhshëm, duke bërë thirrje për bashkim kundër asaj që e cilësoi si një sistem të kalbur.
“Gjatë këtyre ditëve kaq të zjarrta, kemi pasur debate si popull si aktivistë dhe nga ka qenë që nismëtarët protestës atë dali na mos të dalin se mërzitet populli.
Për të shpëtuar protestën nga ata që tentojnë ta kapin. Nismëtarët të shpallen dhe të ngrihet një kuvend kombëtar. Protesta s’mund të vazhdojë pa fund në ngjitje.
Në për të sjellë Shqipërinë e re, duhet të ndërtojmë një sistem të ri. Të thërrasim një kuvend kombëtar. Të bashkohemi në një tryezë dhe të rrëzojmë këtë sistem të kalbur.
Të mos e zvogëlojmë protestën, varet fati jonë e fëmijëve tanë nga kjo protestë”, tha qytetari.
