Një punonjës i Gardës së Republikës është gjetur pa shenja jete mëngjesin e 27 majit në banesën e tij në Rrugën e Dibrës, në Tiranë.
Sipas informacioneve paraprake, rreth orës 07:05, shtetasi Albert Gadica, rreth 42 vjeç, është konstatuar i pajetë brenda banesës së tij.
Nga veprimet e para hetimore dyshohet se punonjësi i Gardës i ka dhënë fund jetës me armën e shërbimit.
Në vendngjarje ka mbërritur grupi hetimor, i cili nën drejtimin e Prokurorisë po punon për të sqaruar dhe dokumentuar plotësisht rrethanat e ngjarjes.
