Rezarta Shkurta dhe Ermal Hoxha vijojnë të jenë një nga çiftet më jetëgjata të showbiz-it shqiptar, ndërsa këtë herë këngëtarja ka ndarë një dedikim romantik për bashkëshortin e saj, duke kujtuar dy dekada së bashku.
“20 vjet me ty… Dhe ende nuk ngopem me ty. Ndonjëherë mendoj se kjo nuk është jeta jonë e parë së bashku. Sikur të kam dashur edhe më parë, diku, në një kohë tjetër… dhe në këtë jetë e gjetëm sërish njëri-tjetrin”, shkruan Rezarta Shkurta në dedikimin e saj për Ermal Hoxhën.
Çifti prej vitesh është i martuar dhe së bashku kanë një vajzë, Herën. Marrëdhënia e tyre ka qenë shpesh në vëmendjen e publikut, edhe për shkak të momenteve romantike e sensuale që ndajnë në rrjetet sociale.
Rezarta Shkurta dhe Ermal Hoxha e kurorëzuan dashurinë e tyre në martesë pas 17 vitesh lidhje, në një ceremoni private.
Ermal Hoxha është nipi i ish-udhëheqësit komunist shqiptar, Enver Hoxha.
