Përgjaken rrugët e Shqipërisë! Ditën e sotme, 17 shkurt, janë shënuar pesë të vdekur nga aksidentet dhe gjashtë të plagosur.
Në orën 05:05, në autostradën “Tiranë-Durrës”, Gëzim Mucaj, rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen.
Pasi ka dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin Ismail Laçe.
Për pasojë, Mucaj humbi jetën, ndërsa 3 pasagjerët u dërguan në spitalin e Traumës për ndihmë mjekësore. Dy prej tyre ndodhen në gjendje të rëndë.
Laçe u shoqërua në Komisariat, për veprime të metejshme proceduarale.
Rreth orës 14:00, një tjetër aksident me vdekje ndodhi në aksin rrugor “Gjirokastër-Tepelenë”, në vendin e quajtur “Kthesa e Viroit”/
Automjeti tip “Volkswagen Cady” me drejtues shtetasin Pano Kalanderi, 58 vjeç, banues në Gjirokastër është përplasur me automjetin tip “Mad” (automjet i Ushtrisë), me drejtues shtetasin B. Gj., 54 vjeç, banues në Tiranë.
Si pasojë kanë humbur jetën drejtuesi i mjetit tip “Volkswagen Cady”, shtetasi Pano Kalanderi dhe pasagjeri në këtë automjet, Shefki Salaria.
I plagosur mbeti shtetasi B. Gj., i cili po merr ndihmë mjekësore në Spitalin Rajonal Gjirokastër.
Rreth orës 18:00, në aksin rrugor Berat-Roskovec, në fshatin Suk 1, automjeti me drejtues shtetasin Q. M., u përplas me automjetin me drejtues shtetasin K. A.
Paraprakisht dyshohet se shkak i aksidentit është bërë ndërprerja e rrugës nga disa bagëti të imëta.
Si pasojë e përplasjes ka ndërruar jetë shtetasi F. G, i cili po kalonte bagëtitë e imëta në rrugë, ku disa krerë bagëti kanë ngordhur, po si pasojë e përplasjes.
Rreth orës 19:15, në fshatin Thumanë, Krujë, automjeti me drejtues shtetasin D. S., rreth 32 vjeç, ka aksidentuar këmbësorin shtetasin G. Gj., rreth 36 vjeç, i cili për pasojë ka humbur jetën.
Drejtuesi i automjetit po shoqërohet për në Komisariat, për veprime të metejshme procedurale.
