Mbreti Charles III dhe Mbretëresha Camilla do të marrin pjesë në një shërbesë historike ekumenike në Kapelën Sistine me Papën Leoni XIV për të shënuar Vitin Jubilar 2025 të Kishës Katolike. Ky lajm, i konfirmuar nga Pallati Buckingham, do të shënojë një ngjarje të rëndësishme në historinë moderne të marrëdhënieve ndërfetare, pasi Charles III do të bëhet monarku i parë britanik që merr pjesë në një akt publik adhurimi me Papën që nga reforma e Henry VIII në vitet 1530.
Në një shenjë nderimi për angazhimin e tij në promovimin e dialogut ndërfetar, Papa do t’i akordojë Mbretit Charles titullin “Confrater Mbretëror” të Bazilikës Papale dhe Abacisë së Shën Palit Jashtë Mureve. Ky titull nderi është një simbol i veçantë i vëllazërisë me Kishën Katolike, dhe një karrige e posaçme do të ndërtohet në bazilikë për të nderuar këtë lidhje, e cila do të mbetet aty si shenjë respekti mes Papës dhe Mbreti.
Viza e Mbretit dhe Mbretëreshës do të zgjasë dy ditë, të mërkurën dhe të enjten, dhe do të ketë një ngarkesë simbolike të thellë, pasi ata do të takohen për herë të parë me Papën që nga zgjedhja e tij në maj. Edhe pse çifti kishte takuar Papën Françesku në një vizitë të mëparshme në prill, shumë aktivitete ishin anuluar për shkak të shëndetit të Papës.
Sipas Pallatit Buckingham, kjo vizitë do të jetë e para shtetërore pas Reformacionit ku një Papë dhe një monark britanik do të falen së bashku, dhe gjithashtu e para herë që një monark anglez merr pjesë në shërbesë në Bazilikën e Shën Palit, vend që ka lidhje historike me kurorën britanike. Gjatë qëndrimit të saj, Mbretëresha Camilla do të vizitojë gjithashtu Kapelën Pauline, ku ndodhen afresket e Michelangelo-s.
Shërbesa ekumenike do të fokusohet në temën “Kujdesi për Krijimin”, një shqetësim i përbashkët për të dy liderët, të angazhuar në çështjet mjedisore. Vizita do të përfshijë shëndeta me Kardinalin Pietro Parolin, Sekretarin e Shtetit të Selisë së Shenjtë.
