Dëgjoje këngën KËTU!
Pas shumë pritjesh, dyshja e suksesshme e hitit “Mi Amor” janë rikthyer me një tjetër bashkëpunim që po bën bujë menjëherë pas publikimit. Kënga e tyre e re titullohet “Atë Ditë” dhe është publikuar sot, më 30 tetor 2025.
Me një atmosferë nostalgjike, videoklipi mbart një histori emocionale dashurie, e shoqëruar me pamje kinematografike të errëta dhe momente reflektive. Në realizimin e klipit ka punuar regjisori Xhois Shaholli, ndërsa për pamjen e Dhuratës janë kujdesur Dania (styling), Kaci (flokët) dhe Sellma (make-up).
Projekti është prodhuar nga EngliVersal dhe nënshkruar nga Universal Music / Ventura Records, me autorë të këngës Noizyn, Dhurata Dorën, J Gashin, Tonic dhe Denk, ndërsa miksimi mban firmën e Son Of Selo.
Në tekstin e saj, Dhurata sjell një emocion të thellë përmes vargjeve “Atë ditë që ke ik, me vete zemrën ma ke marr”, duke krijuar një atmosferë melankolike që prek menjëherë publikun.
Vetëm pak orë pas publikimit, kënga ka arritur mijëra shikime dhe pëlqime, duke u shndërruar në një nga prurjet më të komentuara të fundit. Fansat tashmë po e quajnë “baladën më të bukur të vjeshtës”.
