Laboristi Anthony Albanese, ish-sindikalist dhe me prejardhje të largët arbëreshe nga babai, ka arritur të fitojë një mandat të dytë si Kryeministër i Australisë.
Fitorja e Partisë Laburiste, nën drejtimin e Albanese, ishte e pritur që nga dalja e rezultateve të para. Kjo u konfirmua nga Sky News Australia dhe Korporata Australiane e Transmetimeve, pasi numërimi i hershëm i votave tregoi Laburistët në një pozicion të fuqishëm.
Nuk u raportuan ankesat për procesin zgjedhor, ndërkohë që pamjet e votuesve australianë me veshje plazhi duke hedhur fletët e votimit në kuti bënë xhiron e rrjetit.
Albanese ka arritur një fitore mbresëlënëse në zgjedhjet federale, duke i shkaktuar një humbje të thellë Koalicionit, që i mori vendin e tij Peter Dutton, raporton The Guardian.
