Një aksident është shënuar mesditën e sotme në autostradën Vlorë-Fier, në afërsi të Pusit te Mezinit.
Bëhet me dije se shoferi ka humbur kontrollin e mjetit dhe për pasojë, makina tip “BMW” ka përfunduar jashtë rrugës. Siç shihet edhe në foton e mëposhtme, mjeti është dëmtuar rëndë.
Si pasojë e kësaj përplasje ka mbetur i plagosur shoferi i mjetit i cili ndodhet në spital jashtë rrezikut për jetën. Policia ka mbërritur në vendin e ngjarjes, dhe po punon për zbardhjen e plotë të rrethanave të këtij aksidenti.
