Fotoja tregon sipërfaqen e ujit në Liqenin e Fierzës, ku ajo që vihet re është se e gjithë sipërfaqja është mbuluar nga plehrat dhe mbetjet plastike.
Fatkeqësisht kjo është një situatë që përsëritet sa herë bë bien reshje shiu dhe prurjet në liqen rriten.
Rritja e prurjeve furnizon liqenin me qindra tonelata mbetje që hidhen nga biznese ose qytetarët të papërgjegjshëm përgjatë lumenjëve, duke krijuar këtë panoramë aspak të këndshme për syrin e njeriut, e aq më pak për ekosistemin e liqenit.
Zona përballë fshatit Breglumë është ndër më të prekurat, ku mbeturinat e grumbulluara formojnë shtresa të dukshme ndotjeje. Sipas të dhënave, një pjesë e madhe e këtyre mbetjeve vijnë të transportuara nga rrjedhat e lumenjve që burojnë në Kosovë dhe Maqedoninë e Veriut, por ndikim kanë edhe mbetjet e hedhura në disa njësi administrative brenda qarkut të Kukësit.
