Inspektorati Kombëtar i Mbrojtjes së Territorit ka ndërhyrë në segmentin Elbasan–Papër, ku janë shembur 7 objekte për t’i hapur rrugë realizimit të projektit infrastrukturor të Korridorit 8.
Sipas autoriteteve, objektet e prishura janë një dhe dykatëshe. Për tre prej tyre është zbatuar procedura e shpronësimit për interes publik, ndërsa katër të tjerat rezultonin të ndërtuara pa leje dhe pa dokumentacion pronësie.
Ndërhyrja vjen në kuadër të avancimit të punimeve për këtë aks të rëndësishëm rrugor, që synon përmirësimin e lidhjeve infrastrukturore në vend.
