Teksa SPAK ka bërë rekurs në Gjykatën e Lartë dhe kërkon ta rikthejë në qeli, vetëm disa muaj pasi Apeli i GJKKO e liroi me argumentin se afatet e paraburgimit kishin përfunduar, ish-ministri i Mjedisit, Lefter Koka, nuk është gjetur në adresën ku banon.
Përmes shpalljes publike që mban datën 17 prill, raportohet se njoftimi i rekursit ka qenë i pamundur përmes shërbimit postar, meqenëse dëftesa e komunikimit është kthyer pas me shënimin “larguar”.
Prokuroria e Posaçme pretendon se nuk është dakord me interpretimin e vendimit të shkurtit 2026 për Lefter Kokën dhe kërkon në Gjykatën e Lartë rikthimin e tij në qeli.
Ish-ministri u arrestua në 2021 për inceneratorët si i akuzuar për shpërdorim detyre pastrim parash dhe korrupsion dhe u dënua me vendime që nuk kanë marrë fuqinë e prerë, për dosjen e inceneratorëve të Fierit , Elbasanit dhe Tiranës.
Ai fitoi lirinë disa muaj më parë, por SPAK kërkon që të rikthehet përsëri në qeli.
